💎 #ماهو #الفرق #بين #المعدن #والزيركون ؟
#زيركون_معدن
⭕️خلينا نتفق أنه الزيركون هو عبارة عن حجر و يعتبر من معادن السليكات و بيجي على شكل بلوكات او مكعبات بيضاء اللون للمخبري و بتم خراطته على الليرز بما ينساب شكل السن...
و كذلك الأمر للمعدن الفضي الرمادي...
⭕️التاج الصناعي(التلبيسة) تتألف من طبقتين
1️⃣الكور(القلب): و هو عبارة عن طربوش او قاعدة صغيرة تشكل لوضع الخزف عليها.
.
2️⃣الخزف(الطبقة الظاهرة للعين): و هي الخزف المشكل فوق قلب المعدن او الزيركون و يلي بتعطي المعالم و شكل السن و الخزف له عدة أنواع في السوق و أفضلها و اجملها هو #الإيماكس
🔵دكتور شو الفرق بيناتهن؟ و ليش الزيركون جمالي اكتر؟؟
بأيامنا الحالية ما عاد في فرق بالجمالية بيناتهن لأن الخزف صار له عدة أنواع و ألوان مختلفة منها الشفاف و الكتيم و غيرها من الألوان يلي بتسمح للمخبري أنه يلعب فيهن ليطلع تحفة فنية تماثل شكل السن الطبيعي قدر الإمكان..
🔵كيف مافي فرق؟
متل ما منعرف المعدن لونه فضي رمادي و الزيركون ابيض
و أيام زمان ما كان في خزف كتيم يخفي اللون الرمادي للمعدن لهيك بخايل اللون الرمادي عالتلبيسة و بتطلع أقل جمالية
و لكن هلئ بفضل ألوان الخزف المتعددة صار المخبري بيقدر يخفي اللون الرمادي للمعدن و بيطلع السن متل الزيركون.
🔵يعني الضرب عالخزف؟
اي نعم الضرب كله عالخزف و ليس نوع الكور.
🔵معناها المعدن متل الزيركون صار هلئ حكيم؟
ما فينا نقول هيك لأن المعدن عنده مساوئ للمدى الطويل و عنده محاسن طبعاً
--محاسن المعدن أنه يتحمل قوى الضغط و يعيش لفترة طويلة مقارنةً بالزيركون و سعره زهيد و لكن!!
--مساوئه أكتر و هي ازرقاق حواف اللثة المحيطة بالتلبيسة يلي بتشكل هاجس عند المريض بعدين و الأهم أنها بتتعرض للتآكل و الانحسار بعد مدة طويلة.
🔵دكتور شو مساوئ و محاسن الزيركون لكن؟
--محاسن الزيركون: متقبل حيوياً و لونه الأبيض بيساعد الخزف ليطلع جمالي أكتر و الأهم أنه ما بيصبغ اللثة
--مساوئ الزيركون: غالي الثمن و ديمومته أقل من المعدن لأن تحمله لقوى المضغ أقل.
🔵يعني فرق السعر ما بيستاهل دكتور!!!
مبلا بيستاهل و لكن ظروفنا الأقتصادية سيئة عالجميع لهيك الخزف على معدن شغال أكتر هالأيام بسبب رخص ثمنه نوعاً ما.
⭕️الزيركون هو معدن جامد و لونه أبيض قاتم و لا يمكن تشكيله ليعطي جمالية لذلك يستخدم الخزف لتجميل السن و إعطاء التلبيسة تدرج الألوان و الشفوفية..
لأن متل ما قلنا الضرب على الخزف وليس الزيركون أو المعدن👍
⭕️يعني مافي شي اسمه تلبيسة زيركون التلبيسات تختلف فقط بالكور (معدن او زيركون) و الطبقة المرئية للعين هي خزف وليست زيركون🌹
⭕️ دائما طبيبك بيخترلك الأفضل للحاله الخاصه فيك .
#كريستال #الحديثة